இகம், பரம்
ஆதி மனித அறியாமை
புன்னகை, கண்ணீர்
முத்தம், அணைப்பு
ஆறுதல், துரோகம்
வரம், சாபம்
வருடல், நீதி
இந்த கன்னம் உன்னுடையது
இந்த உயிரும் உன்னுடையது
வசனம், வாழ்வு
அர்ப்பணிப்பு, அன்பு
அள்ளிக் கொடுத்தல்
அணைப்புக்கு அமைதியாயிருத்தல்
அனுமதியோடு அழுதல்
எப்போதும் சிரித்தல்
இப்படியான செயற்கை வாழ்வு
எல்லாமே
அவளது கனவுகளை நசுக்கிய
ரோடு ரோலரின்
மறுபெயர்கள் என்கிறாள்..

நீங்கள் காதல் என்கிறீர்கள்..